Бесплатный фрагмент - Благоразумный разбойник (беззаконник) Рах: дополнение к Минее, опыт составления службы

МЕСЯЦА ОКТЯБРЯ В 12-Й (25-Й Н. СТ.) ДЕНЬ СВЯТАГО БЛАГОРАЗУМНАГО БЕЗЗАКОННИКА РАХА

Вечерня

Аще в субботу вечера, поем Блажен муж: кафисму всю.

Аще же в Неделю вечера, поем Блажен муж: 1-й антифон.

Аще ли во иный день, Блажен муж: не поем, но по предначинательнем псалме поем:

На Господи, воззвах, глас 1

Из глубины́ покая́ния воззва́ к Тебе́, Го́споди, Благоразу́мный беззако́нник Ра́х, его́ же помяну́ти во Ца́рствии Твое́м. И услы́шав гла́с его́, непрело́жное обетова́ние дарова́л еси́: ны́не же бу́деши со Мно́ю в раи́. Приими́ и на́ше, Христе́ Бо́же, покая́ние и воззва́ние к Тебе́.

Ма́л гла́с испусти́ Благоразу́мный Ра́х на кресте́, ве́лию ве́ру обре́те, во еди́ном мгнове́нии спасе́ся, и пе́рвый ра́йская врата́ отве́рз вни́де. И́же того́ переме́ну ума́ восприе́мый, Го́споди, приими́ и на́ше покая́ние и помяни́ на́с во Ца́рствии Твое́м.

Благоразу́мный мяте́жник Ра́х, ви́дя Нача́льника жи́зни на Кресте́ ви́сяща, глаго́лаше: а́ще не бы Бо́г был вопло́щься, И́же с на́ми распны́йся, не бы со́лнце лучи́ своя́ потаи́ло, ниже́ бы земля́ трепе́щущи трясла́ся: но вся́ терпя́й, помяни́ мя, Го́споди, во Ца́рствии Твое́м.

Посреде́ двою́ беззако́ннику ме́рило пра́ведное обре́теся Кре́ст Тво́й: о́вому у́бо низводи́му во а́д тягото́ю хуле́ния: друго́му же, пока́явшемуся Ра́ху, легча́щуся от прегреше́ний, к позна́нию богосло́вия. Те́м же и на́с возведи́, Го́споди, я́ко благоутро́бен.

Слава:

По́длинно всели́ся во гро́б Госпо́дь наш Иису́с Христо́с теле́сне и с Божество́м, соверше́нне пло́ти соедини́вшимся. Бя́ше же Госпо́дь по обетова́нию с беззако́нником Ра́хом в раи́, и во а́де Спаси́тель бя́ше, я́коже рече́ся, со обо́женною Свое́ю душе́ю: преесте́ственно же бе́ и со Отце́м и Ду́хом седя́й, я́ко Бо́г неопи́санный.

И ныне:

Богородичен дня.

Паремии в пер. П.А.Юнгерова

Пророчества Исаиина чтение (гл. 49, стт. 8—15)

8 Так говорит Господь: во время благоприятное Я услышал Тебя, и в день спасения помог Тебе, и создал Тебя, и дал Тебя в завет вечный народов, чтобы устроить землю и даровать наследникам опустошенные наследия,

9 Сказать узникам: выходите, и тем, которые во тьме: откройтесь. На всех путях они будут пастись, и на всех дорогах пастбище их.

10 Не будут терпеть голода и жажды, ни поразит их зной, ни солнце, но Милующий утешит их и чрез водные источники проведет их.

11 И сделаю всякую гору путем и всякую дорогу — пастбищем для них.

12 Вот одни придут издалека, одни с севера и от моря, другие — от земли Персской.

13 Радуйтесь, небеса, и веселись, земля, пусть возгласят горы веселие и холмы — правду, ибо помиловал Бог народ Свой и смиренных из народа Своего утешил.

14 А Сион говорил: оставил меня Господь, и Бог забыл меня.

15 Ужели забудет женщина дитя свое и не пожалеет детей чрева своего? Но если бы и забыла их женщина, то Я не забуду тебя, говорит Господь.

Пророчества Исаиина чтение (гл. 53, стт. 1—12)

1 Господи! Кто поверил слышанному от нас и кому открылась мышца Господня?

2 Мы возвестили, что Отрок пред Ним, как корень в жаждущей земле: нет у Него ни вида, ни славы, и мы видели Его: и не имел Он ни вида, ни красоты.

3 Но вид Его бесчестен, умален более всех сынов человеческих; человек, находящийся в язве, умеющий претерпевать болезни, так что отвращались от лица Его, Его бесчестили и ни во что не ставили.

4 Он грехи наши носит и о нас болезнует, а мы думали, что Он находится в бедствии и язве и страдании — от Бога.

5 Но Он изъязвлен был за грехи наши и мучен был за беззакония наши, наказание мира нашего (было) на Нем, язвою Его мы исцелились.

6 Все мы, как овцы, блуждали: каждый заблудился со своего пути, и Господь предал Его за грехи наши.

7 А Он, несмотря на мучение, не отверзает уст Своих: как овца веден был на заклание и как агнец пред стригущим его безгласен, так Он не отверзает уст Своих.

8 Во уничижении Его суд Его совершился. Род же Его кто разъяснит? Ибо берется от земли жизнь Его, за беззакония народа Моего отведен на смерть.

9 И предам лукавых за погребение Его и богатых за смерть Его, ибо Он не совершил беззакония и не было лести в устах Его.

10 И Господу угодно очистить Его от язвы; а когда Он предан будет за грех, душа ваша узрит долговечное потомство.

11 И Господу угодно Своею рукою удалить страдание от души Его, явить Ему свет и даровать разум, оправдать Праведника, послужившего ко благу многих. И грехи их Он понесет.

12 Посему Он получит в наследие многих и разделит добычу с сильными, за то, что на смерть предана была душа Его, и Он причтен к беззаконникам, и Он грехи многих понес и за беззакония их предан.

Пророчества Иезекиилева чтение (гл. 33, стт. 8—16)

8 [Так говорит Господь: ] Когда Я скажу грешнику: «грешник, ты смертию умрешь»! и ты не скажешь (грешнику), чтобы нечестивый охранился (чтобы он обратился) от пути своего (и жив он был), и тот беззаконник в беззаконии своем умрет, то кровь его от твоей руки взыщу.

9 Если же ты предостережешь нечестивого от пути его, чтобы он обратился от него, и он не обратится с пути своего, то он в нечестии своем умрет, а ты спас душу свою.

10 А ты, сын человеческий, скажи дому Израилеву: вы так говорите: «преступления наши и беззакония наши на нас и мы истаеваем в них, и как нам быть живыми?»

11 Скажи им: живу Я, говорит Господь Бог, не хочу Я смерти грешника, но чтобы нечестивый обратился и жив был: обратитесь, обратитесь от пути вашего злого! и зачем вам умирать, дом Израилев?

12 И ты, сын человеческий, скажи сынам народа твоего: праведность праведника не избавит его в день греха его, и беззаконие беззаконника не убьет (его) в день обращения его от беззакония своего, и праведник не может спастись в день греха своего.

13 Когда Я скажу праведнику: «ты будешь непременно жив», а он, надеясь на свою праведность, совершит беззаконие, вся праведность его не будет вспомянута, в неправде своей, которую он совершил, в ней он умрет.

14 И когда Я скажу нечестивому: «ты смертию умрешь», а он обратится от греха своего и совершит суд и правду,

15 И залог отдаст, и похищенное возвратит, беззаконник по законам жизни будет ходить, не совершая неправды, то он непременно жив будет и не умрет.

16 Все грехи его, какие он совершил, не помянутся: так как он совершил суд и правду, то жив будет ими.

Стихиры на литии, глас 5

Я́ко благоразу́мный Рах испове́дую, и вопию́ Ти Благо́му: помяни́ мя, Го́споди, во Ца́рствии Твое́м, и с ни́м мя сопричти́, И́же во́лею стра́сти нас ра́ди претерпе́вый.

Помяни́ на́с, Христе́ Спа́се ми́ра, я́коже беззако́нника Ра́ха помяну́л еси́ на Дре́ве: и сподо́би все́х, Еди́не Ще́дре, Небе́сному Ца́рствию Твоему́.

Слава:

Я́коже бунтаря́ благонра́внаго Ра́ха испусти́вшаго гла́с, изба́вил еси́ уби́йства и те́м злы́х, я́коже уще́дрил еси́ блудни́цу прослези́вшуюся, я́ко Петра́ ученика́, и Дави́да проро́ка: и мене́, Спа́се, поми́луй отча́яннаго.

И ныне:

Я́ко беззако́нник Ра́х взыва́ю Ти́, помяни́ мя, Человеколю́бче; пла́чу я́ко блудни́ца, и вопию́: согреши́х я́коже дре́вле блу́дный, ка́ющася приими́ мя отча́яннаго, Богоро́дицы ра́ди, да усе́рдно вопию́ Ти: свяще́ннии воспо́йте, лю́дие превозноси́те Его́ во ве́ки.

Стихиры на стиховне, глас 1

Го́споди, И́же беззако́нника Ра́ха спу́тника прие́мый, и на́с с ни́м сопричти́, я́ко Бла́г и Человеколю́бец.

Стих 1: Покая́ние прино́сит Благоразу́мный беззако́нник, признава́я, я́ко са́м досто́йная по дело́м восприе́млет.

Е́же дре́вле во Еде́ме в раи́, дре́во сне́дное прозябло́ е́сть посреде́ садо́в; Це́рковь же Твоя́, Христе́, Кре́ст Тво́й процвете́, источа́ющ всему́ мiру жи́знь. Но о́но дре́во у́бо умертви́ сне́дию я́дшаго Ада́ма и не пока́явшагося; сие́ же Дре́во Кре́стное жи́ва сотвори́, ве́рою и покая́нием спа́сшася Благоразу́мнаго беззако́нника Ра́ха: его́же спасе́ния прича́стники и на́с яви́, Христе́ Бо́же, И́же стра́стию Твое́ю разруши́в, я́же на ны́ ко́зни вра́жия, и сподо́би на́с Ца́рствия Твоего́, Го́споди.

Стих 2: Защища́ет Благоразу́мный беззако́нник Иису́са Христа́, я́ко Се́й ни еди́наго зла́ сотвори́.

Богоуби́йц собо́р, иуде́йский язы́к беззако́нный к Пила́ту неи́стовне зовы́й, и глаго́лаше: я́ко законопресту́пника, распни́ Христа́ непови́ннаго, Вара́вву же па́че на́м отпусти́. Мы же веща́им к Нему́ беззако́нника благоразу́мнаго гла́с к Судие Пра́ведному: помяни́ и на́с, Спа́се, во Ца́рствии Твое́м.

Стих 3: Возглаша́ет Благоразу́мный беззако́нник Христу́ я́ко Бо́гу, помяни́ мя, Го́споди, во Ца́рствии Твое́м.

Посреде́ у́бо двою́ беззако́ннику, Жи́знь на Дре́ве ви́сяше, и в безу́мии ху́лящему молча́ше, ве́рующему же благоразу́мному Ра́ху вопия́ше: дне́сь со Мно́ю бу́деши в раи́.

---

Слава:

В по́мыслы беззако́нные впа́д Ада́м, прельсти́ся умо́м, и уязви́вся душе́ю, лежа́ наг заступле́ния. Взира́я же на безви́ннаго Но́ваго Ада́ма, ви́дя Его́ изъя́звленным и наги́м, беззако́нник благоразу́мный Ра́х, умо́м очи́стившимся кре́стными страда́ниями ви́дит Го́спода Спаси́теля, И́же возно́сит уразуме́вшаго от креста́ в ра́й.

И ныне:

Во гро́бе пло́тски, во а́де же с душе́ю, я́ко Бо́г, в раи́ же с беззако́нником, и на престо́ле бы́л еси́, Христе́, со Отце́м и Ду́хом, вся́ исполня́яй, Неопи́санный.

Тропарь, глас 5

Помяни́ мя, Го́споди, егда́ прии́деши во Ца́рствии Твое́м, со креста́ возгласи́л еси́. Ны́не же бу́деши со Мно́ю в раи́, от Го́спода услы́шал еси́. Помина́й и нас, святы́й благоразу́мне беззако́нниче Ра́ше, на твои́ моли́твы упова́ющих, греха́ми изъя́звленных и в след тебе́ вопию́щих ко Христу́ Бо́гу на́шему, Помяни́ нас, Го́споди, во Ца́рствии Твое́м.

Утреня

Величание

Велича́ем тя, / благоразу́мне беззако́нниче Ра́ше, / и чте́м свято́е на кресте́ покая́ние твое́, / ты́ бо испове́дал еси́ / Христа́ Го́сподом и Спаси́телем.

Избранные стихи 4—13 из Псалма 24 в пер. П.А.Юнгерова

Пути Твои, Господи, скажи мне и стезям Твоим научи меня.

Наставь меня на истину Твою и научи меня, ибо Ты Бог, Спаситель мой, и на Тебя я надеялся всякий день.

Вспомни щедроты Твои, Господи, и милости Твои, ибо они от века.

Грехов юности моей и неведения моего не помяни, по милости Твоей Ты помяни меня, по благости Твоей, Господи.

Благ и прав Господь, посему согрешающим Он укажет путь закона.

Будет руководить кротких в суждении, научит кротких путям Своим.

Все пути Господни — милость и истина для ищущих завета Его и откровений Его.

Ради имени Твоего, Господи, очисть грех мой, ибо он велик.

Какой человек боится Господа? Ему Он даст закон для пути, какой Ему угоден.

Душа его среди благ водворится, и семя его наследует землю.

Прокимен, глас 4

Раздели́ша ри́зы Моя́ себе́, и о оде́жди Мое́й мета́ша жре́бий.

Стих: Бо́же, Бо́же Мой, вонми́ Ми, вску́ю оста́вил Мя еси́?

---

Евангелие

Лк. 111 зач. Гл. 23, стт. 32—49 — как на Утрени Великаго Пятка

32 [Во время оно], ведя́ху же и и́на два злоде́я с Ним уби́ти.

33 И егда́ приидо́ша на ме́сто, нарица́емое Ло́бное, ту распя́ша Его́ и злоде́я, о́ваго у́бо одесну́ю, а друга́го ошу́юю.

34 Иису́с же глаго́лаше: О́тче, отпусти́ им, не ве́дят бо что творя́т. Разделя́юще же ри́зы Его́, мета́ху жре́бия.

35 И стоя́ху лю́дие зря́ще. Руга́хуся же и кня́зи с ни́ми, глаго́люще: ины́я спасе́, да спасе́т и Себе́, а́ще Той есть Христо́с Бо́жий избра́нный.

36 Руга́хуся же Ему́ и во́ини, приступа́юще и о́цет приде́юще Ему́.

37 И глаго́лаху: а́ще Ты еси́ Царь Иуде́йск, спаси́ся Сам.

38 Бе же и написа́ние напи́сано над Ним писмены́ е́ллинскими и ри́мскими и евре́йскими: Сей есть Царь Иуде́йск.

39 Еди́н же от обе́шеною злоде́ю ху́ляше Его́, глаго́ля: а́ще Ты еси́ Христо́с, спаси́ Себе́ и на́ю.

40 Отвеща́в же други́й преща́ше ему́, глаго́ля: ни ли ты бои́шися Бо́га, я́ко в то́мже осужде́н еси́?

41 И мы у́бо в пра́вду, досто́йная бо по дело́м на́ю восприе́млева, Сей же ни еди́наго зла сотвори́.

42 И глаго́лаше Иису́сови: помяни́ мя, Го́споди, егда́ прии́деши во Ца́рствии си.

43 И рече́ ему́ Иису́с: ами́нь глаго́лю тебе́, днесь со Мно́ю бу́деши в раи́.

44 Бе же час я́ко шесты́й, и тма бысть по всей земли́ до часа́ девя́таго.

45 И поме́рче со́лнце, и заве́са церко́вная раздра́ся посреде́.

46 И возгла́шь гла́сом ве́лиим Иису́с, рече́: О́тче, в ру́це Твои́ предаю́ дух Мой. И сия́ рек и́здше.

47 Ви́дев же со́тник бы́вшее, просла́ви Бо́га, глаго́ля: вои́стинну челове́к сей пра́веден бе.

48 И вси прише́дшии наро́ди на позо́р сей, ви́дяще быва́ющая, бию́ще пе́рси своя́ возвраща́хуся.

49 Стоя́ху же вси зна́емии Его́ издале́ча, и жены́ спосле́дствовавшия Ему́ от Галиле́и, зря́ще сия.

Канон, глас 1

Песнь 1

Ирмос: Боже́ственнейший прообрази́ дре́вле Моисе́й, / в Чермне́м мо́ри прове́д Изра́иля Кресто́м Твои́м, / во́ду жезло́м пресе́к, / песнь Тебе́ исхо́дную воспева́я Христе́ Бо́же.

Припев: Благоразу́мне беззако́нниче Ра́ше, моли́ Бо́га о на́с.

Я́коже ви́де Тя́ дре́вле на Дре́ве пове́шена, Спа́се, зе́млю пове́сившаго на вода́х безме́рных, благоразу́мный беззако́нник Ра́х, грехо́вныя во́ды сме́рти пресе́к покая́нием, приведе́н Тобо́ю, Го́споди, во Ца́рствие обетова́нное.

Беззако́нник безу́мный оглаго́ловаше Тя́, беззако́нник благоразу́мный Богосло́вяше Тя́, о́ба бо на кресте́ сви́сяста: но, о Благоутро́бне, я́ко ве́рному беззако́ннику Твоему́ Ра́ху, позна́вшему Тя́ Бо́га, и на́м отве́рзи две́рь сла́внаго Ца́рствия Твоего́ обетова́ннаго.

Блюсти́тели положи́л еси́ па́дшему Ада́му, Херуви́мы Дре́ва Живо́тнаго, но ви́девшему беззако́ннику Тя́ на Дре́ве Кре́стнем, две́ри отверзо́шася: ути́шил бо еси́ мо́ре муче́ния путетворя́ благоразу́мному Ра́ху в ра́й.

Богородичен: Умерщвле́ния преде́л сломи́ла еси́, ве́чную жизнь ро́ждшая Христа́́, из гро́ба возсия́вшаго днесь, Де́во Всенепоро́чная, и мiръ просвети́вшаго.

---

Песнь 2

Ирмос: Дади́м вели́чие / Христу́ Бо́гу на́шему, / воздви́женому на Крест / на спасе́ние всего́ мiра.

Покая́ния ми́ две́ри отве́рзи, страсте́й мои́х вхо́ды затвори́, благоразу́мному беззако́ннику Ра́ху вхо́д ра́йский благовхо́ден показа́вый Христе́, Твои́м распя́тием, да сла́влю Твою́ бла́гость.

За́вистию низложи́ рая́, первозда́ннаго злонача́льник. Благоразу́мнаго же беззако́нника, Христе́, рая́ жи́теля сотвори́л еси́, на Кресте́ Тебе́ возопи́вша: помяни́ мя. Того́ покая́нию сподо́би и на́с недосто́йных.

Преокая́нная душе́, стени́ и возопи́й Го́сподеви: согреши́х па́че все́х, и беззако́нновах лю́те: очи́сти и спаси́ мя я́ко Благоразу́мнаго беззако́нника, Ще́дре, его́ же моли́твами благоприя́тными.

Богородичен: Во Пречи́стую Твою́ утро́бу всели́ся, Чи́стая, Бог и Творе́ц мой, без се́мене вопло́щься, и Богоро́дицу яви́ Тя, Де́во. К Нему́же непреста́нно моля́щи не преста́й, да изба́вимся напа́сти лю́тыя.

Песнь 3

Ирмос: Утверди́ Влады́ко Христе́ / Кресто́м на ка́мени мя ве́ры, / не поколеба́тися уму́ прило́ги врага́ зла́го: / еди́н бо еси́ Свят.

Безпло́дно прове́дший мяте́жное житие́ свое́ беззако́нник Ра́х, ороша́ется све́том Боже́ственного смире́ния и прино́сит пло́д покая́ния благоразу́мнаго, преселя́яся от дре́ва кре́стнаго в ра́йский са́д.

Егда́ беззако́нник благонра́вный ви́дев Тя́, Христе́, Виногра́д Плодови́тый, лу́чший бы́сть беззако́нник благоиску́сен, и укра́дает пло́д проще́ния дре́вних согреше́ний, зело́ благоесте́ственне ма́лым гла́сом. Тому́ ревни́тели бы́ти потщи́мся, е́же помяни́ и на́с, Человеколю́бче, вси́ зову́ще.

Я́ко беззако́нник Ра́х испове́дую, и вопию́ Ти Благо́му: помяни́ мя, Го́споди, во Ца́рствии Твое́м: и с ни́м мя сопричти́, Кресто́м Твои́м на ка́мени мя ве́ры утверди́в, И́же во́лею страда́ния на́с ра́ди челове́к безпло́дных прие́мый.

Богородичен: Еди́наго Тя Сы́на сла́вим, я́ко от Де́вы плоть прии́мшаго и неизме́ннаго отню́дь, пострада́вшаго во́лею и погребе́ннаго на́с ра́ди, и воскре́сшаго из ме́ртвых, Еди́наго Христа́ Бо́га от Де́вы Ма́тере.

Ипакои, глас 1

Беззако́нничо покая́ние ра́й окра́де, пла́чь же мироно́сиц ра́дость возвести́, я́ко воскре́сл еси́, Христе́ Бо́же, подая́й мiрови ве́лию ми́лость.

Песнь 4

Ирмос: На Кресте́ Тя Си́льне, / свети́ло вели́кое ви́дев, / тре́петом взя́тся, лучи́ сопря́тав скры́, / вся́ же творе́ние воспе́ со стра́хом Твое́ долготерпе́ние: / и́бо испо́лнися земля́ / Твоего́ хвале́ния.

Егда́ пригвозди́лся ес́и на дре́ве кре́стнем, тогда́ умертви́ся держа́ва вра́жия: творе́ние поколеба́ся стра́хом Твои́м: и а́д плене́н бы́сть держа́вою Твое́ю: ме́ртвыя от гро́б воскреси́л еси́, и беззако́ннику Ра́ху одесну́ю распя́тому ра́й отве́рзл еси́: Христе́ Бо́же на́ш, сла́ва Тебе́.

Евре́и затвори́ша во гро́бе Жизнь, беззако́нник же отве́рзе всем язы́чником наслажде́ние Бо́гу хвале́ния, зовы́й и воспева́я: И́же со мно́ю мене́ ра́ди распны́йся, сообве́си ми ся на дре́ве, и яви́ся мне́ на престо́ле со Отце́м седя́: То́й бо е́сть Христо́с Бо́г на́ш, име́яй ве́лию ми́лость.

Кре́ст и сме́рть пострада́ти изво́ливый, посреде́ творе́ния сия́ претерпе́л еси́, егда́ благоизво́лил еси́, Спа́се, Те́ло Твое́ пригвозди́ти, тогда́ и со́лнце лучи́ скры́: тогда́ и беззако́нник Ра́х сия́ зря́, на Кресте́ Тя воспе́т, вопия́ благогове́йно: помяни́ мя, Го́споди: и ве́ровав, прия́т ра́й.

Богородичен: Святы́х Свята́го па́че ума́ родила́ еси́ Богоро́дице, освяще́ние, избавле́ние, и оставле́ние грехо́в ве́рным подаю́ща, хода́тайством Твои́м, Его́ сла́вящим Воскресе́ние.

---

Песнь 5

Ирмос: У́тренююще Тя воспева́ем Спа́се ще́дре, / ми́р обре́тше Кресто́м Твои́м, / и́мже обнови́л еси́ род челове́ческий / ко све́ту невече́рнему вводя́ нас.

В ско́рби прини́че к Тебе́, Го́споди, благоразу́мный Ра́х, излива́я ти́хое моле́ние. Ты́ же, Спа́се, Кресто́м Твои́м отве́рзл еси́ ему́ ра́й. Не лиши́ и на́с моля́щих Ти ся све́та Твоего́ невече́рняго.

Распина́ешися, и ра́й па́ки отверза́ется, и беззако́нник Ра́х пре́жде все́х ра́дуяся вхо́дит; и умира́еши, Иису́се мо́й, и вра́г льсте́ц умерщвля́ется, умерщвле́нный же Ада́м оживля́ется и ро́д челове́ческий обновля́ется: сла́ва Го́споди мно́гому Твоему́ милосе́рдию.

Воззре́вше на гро́бный вхо́д, и пла́мене А́нгельскаго не терпя́ще мироно́сицы, с тре́петом дивля́хуся глаго́люще: еда́ укра́деся, отве́рзый беззако́ннику ра́й? Еда́ ли воста́, И́же и пре́жде страда́ний пропове́давый воста́ние? Вои́стинну воскре́се Христо́с, су́щым во а́де подая́ живо́т и воскресе́ние.

Богородичен: Обнови́ла еси́ естества́ в рождестве́ Твое́м, Чи́стая: Зижди́теля бо мiру воплоще́нна породи́ла еси́, земны́м — Бо́га Изра́илева, и пребыла́ еси́ без тли́, я́коже дре́вле ра́й пра́деда Ада́ма, воздви́гши его́.

Песнь 6

Ирмос: О́браз Боже́ственнаго Креста́, / Ио́на во чре́ве ки́тове / просте́ртыма дла́ньма проначерта́, / и взира́ше спасе́н от зве́ря / си́лою Твое́ю Сло́ве.

Бе́здна Ра́хав поглоти́, я́ко Ио́ну, беззако́нника безумносло́вящего. Благоразу́мный же Ра́х, претерпе́вый бе́здну страда́ний и глубины́ смиренному́дрия дости́гнувый, возво́дится, я́ко Ио́на из чре́ва ки́това, спаси́тельным Боже́ственным Кресто́м Христо́вым в ра́й.

Го́споди, по Тридне́внем Твое́м Воскресе́нии, и апо́столов поклоне́нии, Пе́тр вопия́ше Ти́: мироносицы жены́ дерзнове́ние прия́ша, а́з же убоя́хся. Беззако́нник Ра́х богосло́вяше, а́з же отверго́хся. У́бо призове́ши ли мя́ про́чее ученика́ бы́ти? Или́ па́ки пока́жеши мя́ ловца́ глуби́ннаго? Но ка́ющася мя приими́, Бо́же, и спаси́.

Тебе́ возне́сшуся Христе́ на кре́ст во́лею, лучи́ со́лнечныя стра́хом помрачи́шася, и за́йде день, я́ко Ио́не во тьме́ чре́ва ки́това: отоню́дуже Тя́ беззако́нник Ра́х прови́дя Бо́га и испове́да во вся́ ве́ки.

Богородичен: Во утро́бе вмести́ла еси́, Его́же земля́ во чре́ве прия́ла есть, и преиспо́дняя ужасо́шася: Того́ родила́ еси́ без истле́ния, Богоро́дице Чи́стая.

Кондак, глас 8

Теле́сно на кресте́ распя́тый, святы́й Ра́ше, ра́ди беззако́ний свои́х, взо́ром ко Христу́ устреми́лся еси́. Узре́в безви́нные страда́ния Христа́ Бо́га на́шего, прия́л еси́ благода́тию Христо́вою освяще́ние помраче́нного ра́зума своего́. Благоразу́мия да́р обретя́, со креста́ ко Го́споду воззва́л еси́: Помяни́ мя Го́споди, егда́ прии́деши во Ца́рствии Твое́м!

Икос, глас 8

Три дре́ва яви́ша плоды́ взира́ния на страда́ния Христо́вы. Еди́но дре́во Иу́дино, на ко́ем се́й удави́ся, ме́ртвым плодо́м безпло́днаго и безсле́знаго раска́яния ви́сящий. Друго́е дре́во шу́ияго беззако́нника, го́рьким плодо́м се́тования ниспа́дшаго, согла́сно с иуде́ями в безу́мии хули́вшаго и искуша́вшаго Христа́ безви́ннаго, да́бы яви́ Себя́ земны́м царе́м и спаси́телем. Тре́тье дре́во тезоимени́тое Кресту́ Госпо́дню, на ко́ем благоразу́мный беззако́нник Ра́х сла́дкий пло́д покая́ния прино́сит и испове́дует И́стиннаго Виногра́да Иису́са Христа́ Сладча́йшаго я́ко Царя́ Небе́снаго и Бо́га.

Песнь 7

Ирмос: Из пла́мене о́троки избавле́й, / плоть прии́м прише́л еси́ на зе́млю, / и на Кресте́ пригвожде́н, / спасе́ние нам дарова́л еси́ Христе́, / еди́н благослове́н отце́в Бо́же, / и препросла́влен.

Преслуша́ние разруши́ повеле́ние Бо́жие, и дре́во принесе́ смерть челове́ком, е́же неблаговре́менно вкуше́но бы́вшее; во утвержде́ние же зело́ честна́го отту́ду жи́зни дре́во возбраня́емо бе́, е́же беззако́ннику Ра́ху злоуме́ршу отве́рзе, благоразумнозову́щу: препе́тый отце́в и нас Бо́же, благослове́н еси́.

На Кресте́ возвыша́емь, вся́ призва́л еси́ к Себе́ Ще́дре, я́коже обеща́л еси́ Бла́же: я́ко вои́стинну вся́ сия́ грехо́в ра́ди на́ших пострада́ти благоволи́л еси́. Те́мже и беззако́ннику благоразу́мному ра́йская врата́ отве́рзл еси́ Спа́се.

И́же на Кресте́ стра́сти претерпе́вый, и беззако́ннику Ра́ху ра́й отве́рзый, я́ко Благоде́тель и Бо́г, угаси́ пла́мень грехо́в на́ших и утверди́ у́м в во́лю Твою́, Еди́не Человеколю́бче.

Богородичен: Воплоще́нием Сло́ва боже́ственный сосу́д Чи́стая, Дух Святы́й осени́ на Тя́, боже́ственный ковче́г све́тел соде́ла Пречи́стая: благослове́нна Бо́га Пло́тию роди́вшая.

Песнь 8

Ирмос: Ру́це в ров ве́рженый львов, / иногда́ велики́й во проро́цех, / крестообра́зно просте́р Дании́л, / неврежде́н от си́х сне́ди спасе́ся, / благословя́ Христа́ Бо́га во ве́ки.

Кре́сте Христо́в, благоразу́мнаго беззако́нника Ра́ха наста́вивый к ве́ре, и на́с к тече́нию благоси́льно памятова́нием беззако́ннича покая́ния сподо́би, предвари́ти на поклоне́ние твое́, и оживотвори́тися.

Ра́дуйся Кре́сте, и́мже позна́ся еди́ным мгнове́нием беззако́нник Ра́х богосло́вец, взыва́яй: помяни́ мя́ Го́споди, во Ца́рствии Твое́м, его́же ча́сти о́бщники на́с покажи́.

Благослови́м Отца́, и Сы́на, и Свята́го Ду́ха.

Похвалу́ и сла́ву и че́сть, Всевино́вней Тро́ице подае́м, и трисвяты́ми гла́сы а́нгельскую пе́снь принося́ще Отцу́ Безнача́льну, и Сы́ну, и Ду́ху, взыва́ем беззако́нника благоразу́мнаго гла́с, воспева́юще и вопию́ще: помяни́ на́с во Ца́рствии Твое́м.

И ны́не, и при́сно, и во ве́ки веко́в. Ами́нь.

Я́ко стра́шное Твое́ Рождество́ Непоро́чная, и́мже вси́ стра́шнаго паде́ния изба́влени бы́хом, зову́ще: ра́дуйся все́х челове́ков предста́тельнице, ра́дуйся мiра па́дшаго воззва́ние.

Песнь 9

Ирмос: Благоразу́мнаго беззако́нника подража́яй, окая́нный аз, / испове́даяй Тя, зову́ Тебе́, / Еди́наго от Отца́, и от Де́вы неизрече́нно воплоще́нна, / и мене́ ра́ди бы́вша по мне́, / но я́ко Свет у́мный, Со́лнце, / не воспомяну́в зол, во Ца́рствии Твое́м помяни́ мя, / егда́ Судия́, Го́споди, ся́деши на Престо́ле.

Умилосе́рдися, спаси́ на́с, Сы́не Дави́дов и поми́луй, дабы гла́с благоутро́бный я́ко беззако́ннику Ра́ху на́м услы́шать: ами́нь глаго́лю тебе́, со Мно́ю бу́деши в раи́, егда́ прииду́ во сла́ве Мое́й.

На Кресте́ пригво́ждься за благоутро́бие, беззако́ннику Ра́ху ра́й отве́рзл еси́: ны́не же разбие́ных на́с де́монскою лю́тостию, и в души́ всепло́тную я́зву прии́мших уврачу́й, отверза́я на́м две́ри покая́ния Твои́м человеколю́бием.

На Кресте́ пригвозди́ся Лоза́ И́стинная, и объима́ша вси наро́ды ра́й с благоразу́мным беззако́нником Ра́хом: сия́ сла́ва церко́вная, сие́ бога́тство Ца́рствия. Пострада́вый на́с ра́ди, Го́споди, сла́ва Тебе́.

Богородичен: Пощади́ мя Христе́, егда́ прии́деши суди́ти мiру со сла́вою, разреша́я мглу́ страсте́й мои́х, моли́твами Ро́ждшия Тя́, и насле́дника мя́ сотвори́ небе́снаго Ца́рствия Твоего́.

Светилен

Благоразу́мнаго беззако́нника Ра́ха, во еди́ном часе́ ра́еви сподо́бил еси́, Го́споди, и мене́ Дре́вом Кре́стным просвети́, и спаси́ мя́.

На Хвалитех, глас 1

На Дре́ве Кре́стнем, Человеколю́бче пригвозди́лся еси́, Животе́ всех. Ра́й отве́рзл еси́, Спа́се, ве́рою прише́дшему Ти́ благоразу́мному беззако́ннику Ра́ху, и сла́дости ра́йския сподо́бися обраще́нием к Тебе́: помяни́ мя, Го́споди. Приими́, я́коже о́наго беззако́нника, и на́с, зову́щих: согреши́хом вси, но Ты́, Го́споди, благоутро́бием Твои́м не презре́л еси́ нас, сла́ва Тебе́.

Кре́ст и сме́рть пострада́ти изво́ливый, среди́ тваоре́ния се́й водрузи́л еси́: егда́ благоволи́л еси́ Спа́се, те́ло Твое́ пригвозди́ти, тогда́ и со́лнце лучы́ скры́. Сия́ и беззако́нник зря́, на Кресте́ Тя́ воспе́: помяни́ мя, вопия́, Спа́се, и ве́ровав прия́т ра́й. Те́м же и мы́ воспева́ем: Христе́ Бо́же, сла́ва Тебе́.

Кре́ст возно́сится, и де́мони прогоня́ются, Благоразу́мный беззако́нник Еде́ма врата́ отверза́ет, смерть умерщвля́ется и ны́не пу́ста яви́ся, Христо́с велича́ется. Тем весели́теся, вси земно́роднии, кля́тва разруши́ся.

Его́же дре́вле Моисе́й прообразова́в собо́ю, Амали́ка низложи́в, победи́, и Дави́д песнопе́вец подно́жию Твоему́, вопия́, кла́нятися повелева́ше, Честно́му Кресту́ Твоему́, Христе́ Бо́же, днесь, гре́шнии, кла́няемся, устна́ми недосто́йными Тя́, изво́лившаго пригвозди́тися на не́м, воспева́юще, мо́лимся: Го́споди, с благоразу́мным беззако́нником Ра́хом Ца́рствия Твоего́ сподо́би нас.

Слава:

Го́споди, пресия́ющая Твоя́ чудеса́ кто́ испове́сть? Или́ кто́ возвести́т стра́шная Твоя́ та́инства? Вочелове́чивыйся бо на́с ра́ди, я́ко Са́м восхоте́л еси́, держа́ву яви́л еси́ си́лы Твоея́: Кресто́м бо Твои́м благоразу́мному беззако́ннику Ра́ху ра́й отве́рзл еси́, и погребе́нием Твои́м вереи́ а́довы сокруши́л еси́, Воскресе́нием же Твои́м вся́ческая обогати́л еси́: Благоутро́бне, Го́споди, сла́ва Тебе́.

И ныне:

Блудни́цу, и блу́днаго а́з, и беззако́нника победи́х, и мытаря́ прегреше́нии премину́х, и ниневи́тяны. Увы́ мне, что́ бу́ду? ка́ко убе́гну му́ки, а́з окая́нный? Пречи́стая Богоро́дице, припа́даю Ти, уще́дри мя ми́лостию Твое́ю, я́коже о́ныя пока́явшияся Сы́н Твой спа́сл есть.

Молитва святому Благоразумному беззаконнику Раху

Святы́й благоразу́мне беззако́нниче Ра́ше, распя́тый одесну́ю Го́спода на́шего Иису́са Христа́ и загради́вый уста́ друго́му беззако́ннику, претя́ запрети́тельнейше, Христа́ Сы́на Бо́жия испове́дуя, обеща́ние получи́л еси́ от Спа́са в раи́ пребыва́ти, умоли́ Того́ и на́с помяну́ть во Ца́рствии Свое́м.

Ма́л гла́с испусти́ на кресте́, ве́лию ве́ру обре́те, во еди́ном мгнове́нии спасе́ся, и пе́рвый ра́йския врата́ отве́рз вни́де, покая́ние Го́споду принесы́й, моли́ Того́ и на́с с тобо́ю, святы́й Ра́ше, сопричте́нными бы́ти.

Ка́ко возмо́жно чуде́сное преображе́ние сие́? От беззако́ннича и мяте́жна жития́ до́льняго к испове́данию ве́ры в Го́спода Иису́са Христа́ умо́м горе́ обрати́лся еси́. Егда́ же по сло́ву Иоа́нна Златоу́стаго Пе́тр отрече́ до́лу, тогда́ беззако́нник испове́де горе́.

Умоли́, удосто́ившийся ра́зума блага́го и обрати́выйся ко И́стине Христу́ Бо́гу на́шему, да́бы и на́м от законопопира́емого грехо́внаго беззако́ннича жития́ име́ти си́лу и благода́ть отрещи́ся, и к покая́нному смиренному́дрию обрати́тися.

Беззако́нниче Ра́ше, ты во еди́ном часе́ ра́еви сподо́бился еси́, я́ко пло́д благоразу́мный. Моли́ Христа́ Бо́га И́стиннаго Виногра́да На́шего Дре́вом Кре́стным напита́ть, просвети́ть, вразуми́ть и спасти́ нас. Ами́нь.

Литургия

На Блаженных

Тропари канона, песни 3 и 6

Прокимен, глас 7

Возноси́те Го́спода, Бо́га на́шего, / и покланя́йтеся подно́жию но́гу Его́, я́ко свя́то есть.

Стих: Госпо́дь воцари́ся, да гне́ваются лю́дие.

Апостол в пер. еп. Кассиана (Безобразова)

Предлагаем два варианта зачал на выбор настоятеля.

Евр. Зач. 331. Гл. 12, стт. 1—13, 22—26

1 [Братья], имея вокруг себя такое облако свидетелей, отложив всякое бремя и легко опутывающий нас грех, будем с терпением проходить предлежащее нам поприще,

2 взирая на Начальника и Совершителя веры, Иисуса, Который, вместо предлежавшей Ему радости, претерпел крест, пренебрегши посрамление, и воссел по правую сторону престола Божия.

3 Подумайте о Претерпевшем от грешников такое Себе противоборство, чтобы не обессилеть вам, изнемогая в душах ваших.

4 Вы еще не до крови сопротивлялись, подвизаясь против греха,

5 и забыли то увещание, которое обращено к вам, как к сынам: Сын мой, не пренебрегай наказанием Господним и не изнемогай, когда Он обличает тебя;

6 ибо Господь, кого любит, того наказывает, и бьет Он каждого сына, которого Он принимает.

7 Терпите для вашего исправления: как с сынами, поступает с вами Бог. Ибо где тот сын, которого не наказывает отец?

8 Если же вы остаетесь без наказания, которое обще всем, то вы — незаконные дети, а не сыны.

9 Притом, если мы имели плотских наших отцов, которые нас наказывали, и мы их уважали, не гораздо ли более будем мы подчиняться Отцу духов, чтобы жить?

10 Ибо те для немногих дней наказывали нас по своему усмотрению, Он же — для нашей пользы, чтобы нам иметь участие в Его святости.

11 Всякое же наказание в настоящее время кажется не радостью, а печалью, но впоследствии оно приносит мирный плод праведности тем, которые чрез него были научены.

12 Поэтому укрепите опустившиеся руки и расслабленные колени,

13 и прокладывайте прямые тропы для ног ваших, чтобы хромающее не совратилось, а лучше было бы исцелено.

22 <…> вы приступили к горе Сиону и к граду Бога Живого, небесному Иерусалиму, и к тьмам ангелов в торжествующем собрании,

23 и к Церкви первородных, вписанных на небесах, и к Судии всех Богу, и к духам праведных, достигших совершенства,

24 и к Посреднику Нового Завета, Иисусу, и к крови кропления, говорящей лучше, чем кровь Авеля.

25 Смотрите, не отвергните Говорящего. Ибо, если не избежали наказания те, которые отвергли возвещавшего на земле, — то тем более мы, которые отвращаемся от Того, Который с небес;

26 тогда Его голос поколебал землю, теперь же Он обещал, говоря: еще раз Я потрясу не только землю, но и небо.

Деян. Зач. 15. Гл. 5, стт. 21—42

21 [Во дни оны вошли апостолы] под утро в храм и стали учить. Но, прибыв, первосвященник и те, кто были с ним, созвали синедрион и весь совет старейшин сынов Израилевых и послали в тюрьму привести их.

22 Но пришедшие служители не нашли их в тюрьме. И, возвратившись, донесли,

23 говоря: мы нашли, что тюрьма заперта со всяческой предосторожностью, и что сторожа стоят у дверей, но открыв, мы внутри не нашли никого.

24 Когда и начальник храмовой стражи и первосвященники услышали эти слова, они недоумевали о них: что бы это могло быть?

25 Но пришел кто-то и сообщил им: вот мужи, которых вы посадили в тюрьму, стоят в храме и учат народ.

26 Тогда пошел начальник стражи со служителями и привел их без принуждения, ибо боялись народа, как бы не быть побитыми камнями.

27 И приведя их, поставили в синедрионе. И спросил их первосвященник:

28 мы строжайше приказали вам не учить от этого имени. И вот, вы наполнили Иерусалим учением вашим и хотите навести на нас кровь Этого Человека.

29 Но Петр и апостолы сказали: повиноваться должно Богу больше чем людям,

30 Бог отцов наших воздвиг Иисуса, Которого вы умертвили, повесив на древе:

31 Его Бог вознес десницей Своей, как Начальника и Спасителя, чтобы дать Израилю покаяние и отпущение грехов.

32 И мы свидетели тому, и Дух Святой, Которого Бог дал повинующимся Ему.

33 Слышавшие были в бешенстве и хотели убить их.

34 Встал тогда член синедриона — фарисей, по имени Гамалиил, законоучитель, почитаемый всем народом, и приказал вывести этих людей ненадолго.

35 А им сказал: мужи Израильские, будьте осторожны с этими людьми. Что вы хотите делать?

36 Ведь перед этими днями явился Февда, выдавая себя за кого-то. К нему примкнуло около четырехсот человек. Он был убит, и все, кто следовали за ним, были рассеяны и обратились в ничто.

37 После него явился Иуда Галилеянин в дни переписи и увлек народ за собой. Погиб и он, и все, кто следовали за ним, рассыпались.

38 И теперь говорю вам, отстаньте от этих людей и пустите их. Ибо если от людей начинание это или дело это, — оно будет разрушено.

39 А если от Бога, то вы не сможете одолеть их. Как бы вам не оказаться и богоборцами. Они его послушались.

40 И призвав апостолов, подвергли их бичеванию, приказали не говорить от имени Иисуса и отпустили.

41 И уходили они из синедриона, радуясь, что были удостоены понести бесчестие за Имя.

42 И каждый день в храме и по домам не переставали учить и благовествовать Христа Иисуса.

Аллилуия, глас 1

Вознесо́х избра́ннаго от люде́й Мои́х.

Стих: И́бо рука́ Моя́ засту́пит его́, и мы́шца Моя́ укрепи́т его́.

Евангелие составное

Мк. Зач. 68. Гл. 15, стт. 22—32,

Лк. Зач. 111 (от полу). Гл. 23, стт. 34, 39—43,

Мф. Зач. 113 (от полу). Гл. 27, стт. 45—54,

Ин. Зач. 61 (от полу). Гл. 19, стт. 31—35.

Мк.:

22 [Во время оно приведо́ша Иису́са] на Голго́фу ме́сто, е́же есть сказа́емо Ло́бное ме́сто.

23 И дая́ху Ему́ пи́ти есмνрнисме́но вино́, Он же не прия́т.

24 И распе́ншии Его́ раздели́ша ри́зы Его́, мета́юще жре́бий о них, кто что во́змет.

25 Бе же час тре́тий, и распя́ша Его́.

26 И бе написа́ние вины́ Его́ напи́сано: Царь Иуде́йск.

27 И с Ним распя́ша два мяте́жника, еди́наго одесну́ю и еди́наго ошу́юю Его́.

28 И сбы́стся Писа́ние, е́же глаго́лет: и со беззако́нными вмени́ся.

29 И мимоходя́щии ху́ляху Его́, покива́юще глава́ми свои́ми и глаго́люще: уа́, разоря́яй це́рковь и треми́ де́ньми созида́яй,

30 Cпаси́ся Сам и сни́ди со креста́.

31 Та́кожде и архиере́е руга́ющеся, друг ко дру́гу с кни́жники глаго́лаху: и́ны спасе́, Себе́ ли не мо́жет спасти́?

32 Христо́с, Царь Изра́илев, да сни́дет ны́не со креста́, да ви́дим и ве́ру име́м Ему́.

Лк.:

34 Иису́с же глаго́лаше: О́тче, отпусти́ им, не ве́дят бо что творя́т.

39 Еди́н же от обе́шеною злоде́ю ху́ляше Его́, глаго́ля: а́ще Ты еси́ Христо́с, спаси́ Себе́ и на́ю.

40 Отвеща́в же други́й преща́ше ему́, глаго́ля: ни ли ты бои́шися Бо́га, я́ко в то́мже осужде́н еси́?

41 И мы у́бо в пра́вду, досто́йная бо по дело́м на́ю восприе́млева, Сей же ни еди́наго зла сотвори́.

42 И глаго́лаше Иису́сови: помяни́ мя, Го́споди, егда́ прии́деши во Ца́рствии си.

43 И рече́ ему́ Иису́с: ами́нь глаго́лю тебе́, днесь со Мно́ю бу́деши в раи́.

Мф.:

45 От шеста́го же часа́ тма бысть по всей земли́ до часа́ девя́таго.

46 О девя́том же часе́ возопи́ Иису́с гла́сом ве́лиим, глаго́ля: Или́, Или́, лима́ савахфани́? Е́же есть, Бо́же Мой, Бо́же Мой, вску́ю Мя еси́ оста́вил?

47 Не́цыи же от ту стоя́щих слы́шавше глаго́лаху, я́ко Илию́ глаша́ет Сей.

48 И а́бие тек еди́н от них, и прие́м гу́бу, испо́лнив же о́цта, и вонзе́ на трость, напая́ше Его́.

49 Про́чии же глаго́лаху: оста́ви, да ви́дим, а́ще прии́дет Илиа́ спасти́ Его́.

50 Иису́с же, па́ки возопи́в гла́сом ве́лиим, испусти́ дух.

51 И се заве́са церко́вная раздра́ся на дво́е с вы́шняго кра́я до ни́жняго, и земля́ потрясе́ся, и ка́мение распаде́ся,

52 И гро́би отверзо́шася, и мно́га телеса́ усо́пших святы́х воста́ша,

53 И изше́дше из гроб, по воскресе́нии Его́, внидо́ша во святы́й град и яви́шася мно́зем.

54 Со́тник же и и́же с ним стрегу́щии Иису́са, ви́девше трус и бы́вшая, убоя́шася зело́, глаго́люще: вои́стинну Бо́жий Сын бе Сей.

Ин.:

31 Иуде́е же, поне́же пято́к бе, да не оста́нут на кресте́ телеса́ в суббо́ту, бе бо вели́к день тоя́ суббо́ты, моли́ша Пила́та, да пребию́т го́лени их и во́змут.

32 Приидо́ша же во́ини, и пе́рвому у́бо преби́ша го́лени, и друго́му распя́тому с Ним.

33 На Иису́са же прише́дше, я́ко ви́деша Его́ уже́ уме́рша, не преби́ша Ему́ го́лений.

34 Но еди́н от во́ин копие́м ре́бра Ему́ прободе́, и а́бие изы́де кровь и вода́.

35 И ви́девый свиде́тельствова, и и́стинно есть свиде́тельство его́ <…>.

Причастен, глас 6

Ве́чери Твоея́ та́йныя днесь, Сы́не Бо́жий, прича́стника мя приими́: не бо враго́м Твои́м та́йну пове́м, ни лобза́ния Ти да́м я́ко Иу́да, но я́ко беззако́нник испове́даю Тя: помяни́ мя, Го́споди, во Ца́рствии Твое́м.

Слово о Благоразумном беззаконнике

Царство земное и Царство Небесное

Церковь ежедневно вспоминает Благоразумного разбойника. На каждой Литургии пение Блаженных начинается с его слов: «Во Царствии Твоем помяни нас, Господи, егда приидеши во Царствии Твоем». Каждый первый тропарь Блаженных посвящён Благоразумному разбойнику: его покаянию, исповеданию Иисуса Христа Господом, его благоразумному возгласу: «Помяни мя Господи, егда приидеши во Царствии Си». Именно Благоразумный разбойник первым вошёл в рай, как учит Церковь.

Благоразумный разбойник, или, правильнее сказать, беззаконник, мятежник, повстанец, бунтовщик, зелот, сикарий, борец за политическую и религиозную свободу Израиля от Рима, особо вспоминается на Утрене Великой Пятницы на Страстной седмице. Тропари, посвящённые ему, являют собой перемену ума — раскаяние и покаяние в прежней жизни до креста и исповедание разбойником Иисуса — Христом, Мессией, Спасителем, Господом, Царём.

От какого прежнего ума и к какому новому уму произошла эта перемена? Кем был мятежник, которого мы именуем согласно русской традиции Рах, до его раскаяния?

Он осуждён на казнь через распятие не за разбой сам по себе, а за различные беззакония (в том числе убийство), направленные против римского владычества. Такие беззакония-мятежи происходили регулярно в течение ста лет перед событиями на Голгофе (со времён восстания Маккавеев) и вплоть до разрушения Иерусалима в 70 году императором Титом Флавием Веспасианом.

Восстания и бунты, вероятно, особо участились, когда начали сбываться пророчества о Мессии: царь Ирод не из колена Иудина, пришествие загадочных волхвов с востока, истечение сроков, предсказанных пророком Даниилом.

А теперь ещё и проповеди и чудеса, сопровождавшие Иисуса с Его апостолами. Не Иисус ли из Назарета — тот самый обещанный Израилю Мессия-Царь? И вроде бы всё к тому и шло. После воскрешения Лазаря, о чём молва достигла всех в Иерусалиме, царственный въезд в город на ослёнке (опять же сбывается пророчество), переворачивание столов меновщиков в храме, проповеди о новом царстве.

Да! Иисус — Христос, Мессия, Помазанник. Возможно, наш разбойник-беззаконик вместе с другими сомятежниками — вторым распятым беззаконником и Вараввой, — слыша обо всех происходящих событиях, параллельно в это же самое время тоже как бы вносили свой зелотский вклад в дело воцарения Мессии на престол. Но тут их вместе с Вараввой арестовали и приговорили к казни, на которую они, наверно, готовы были идти как мученики за святую идею, за светлое недалёкое уже будущее, ради уже вошедшего в Иерусалим царя.

И вдруг в день казни Варавву освобождают, а вместо него с двумя споспешниками и сковниками Вараввы на кресте распинают Иисуса. И над Ним вешают табличку с обвинением: «Иисус Назорей Царь Иудейский». Это обвинение очень красноречиво давало понять всем зелотам, что ожидает каждого, кто посмеет подвергнуть сомнению легитимность власти кесаря. И оно же указывало на ошибку бунтарей-беззаконников, распятых справа и слева от Иисуса Христа. Может ли быть распятым Мессия?

Недоумение, отчаяние, разочарование, злоба и хула прорывалась сквозь страшную боль и понимание безсмысленности подвига мятежников. Их мучительная смерть не приблизила царства Мессии.

Толпа злорадствует и ехидничает, архиереи с начальниками формулируют те самые слова, которые и подхватывает беззаконик слева: «Если Ты — Христос, Мессия, спаси Себя и нас заодно». Ничего нет удивительного в том, что он повторяет эту хулу, ведь из-за боли сам не может ни думать, ни формулировать, только злоба придаёт ему сил на то, чтобы вторить толпе.

И тут в Евангелии от Луки сообщается о чуде! Злодей-беззаконик справа сквозь боль и те же самые чувства сомнений, противоречий и разочарований, которые испытывал его сомятежник, сквозь выкрики толпы и хулу архиереев вдруг что-то прозревает и произносит слова совсем уж, кажется, нелогичные и неразумные.

Он при всех останавливает другого беззаконика словами призыва к раскаянию, которое, видимо, только что пережил сам: «Разве ты не боишься Бога? Ведь ты осуждён за ту же вину, но мы-то с тобой справедливо распяты, по закону за известные беззакония наши, а Сей Праведник ничего такого не сделал, за что Его можно было бы казнить».

Возможно, беззаконик, отныне именуемый Церковью благо-разумным, припомнил слова проповедей Христа, которые мог слышать сам или в пересказе других, и понял их. Может, собственное раскаяние открыло в нём разумение всего происходящего. Или, может, слова Иисуса на Кресте коснулись его сердца. Либо всё вместе сложилось. Но факт остаётся фактом: открылись очи у беззаконика.

Как когда-то открылись очи земные у Адама и жены, и они утратили рай. Так теперь открылись у беззаконика очи небесные, и он узрел утраченный человечеством рай, так как взирал на Того, Кто и есть Само Царство Небесное — на Иисуса Христа, Мессию и Спасителя, на Того, к Кому обращает смиренную просьбу: «Помяни меня, Господи, во Царствии Твоем». Не в моём надуманном земном царстве, а в Твоём Истинном Царствии Небесном, Господи.

Об этом Царстве он ещё несколько, может, мгновений назад и не подозревал, ведь долгое время трудился и подвизался как зелот-сикарий ради царства земного. И тут ему открылось очень многое: вот Он — распятый Царь-Мессия, и только таким в нашем падшем мiре Он и может быть. И велико счастье висеть рядом с Ним на кресте, пребывать с Ним в аду, быть просто помянутым Им, то есть жить в памяти Христа-Спасителя. Наконец, он слышит то, чего желает слышать всякий христианин: «Истинно говорю тебе: ныне же будешь со Мною… в раю».

Благоразумный беззаконник Рах желал отринуть земной римский закон ради славы и свободы своего народа. Желал так искренно и так самоотверженно, что встретил на этом революционном пути Господа и обрёл в Иисусе высший Разум. И таким образом сам стал Благо-Разумным, то есть имеющим разум, устремлённый к Благу, к Благому Богу. Воистину: тот, кто безкорыстно ищет блага для других, встречает на своём пути Бога, поступающего так же по отношению к человеку, к человечеству.

Именно об этом пророческие слова Исаии «со беззаконными вменися». Господь Иисус Христос — Сам Беззаконник, то есть Борец с довлеющим Ветхим Законом, пришедший снять ветхозаветное иго с плеч верующих.

Благоразумный беззаконник Рах для нас — современных христиан — это образ покаяния, которого ждёт Господь до самого последнего нашего вздоха, это надежда, что, как бы ни укоренились в нас страсти, Спаситель может нас вразумить и избавить от них.

Но не менее важно для нас напоминание и предупреждение: нам зачастую настолько мешают видеть в истинном свете Бога наши законнические, фарисейские, идеологические и другие умственные заблуждения, что даже через страдания не всегда открываются очи сердца.

Разве не мучался беззаконник слева? Но он не вразумился и вынес суд Христу вместе с толпой. Разве не раскаялся Иуда и не вернул деньги архиереям? Но он не смог принести покаяние, как это сделали Петр и другие разбежавшиеся апостолы, и осудил сам себя на повешение.

Все мы — истинные христиане — благоразумные беззаконники, отринувшие ветхий закон этого мiра, и, будучи распнутыми своими несовершенствами, уповаем на Сораспятого нам. Это путь всех христиан. Единственный спасительный из трёх возможных.

Три пути — три древа — три плода. Повесившийся на дереве Иуда, распятые безумный разбойник-беззаконник ошуюю (слева) и благоразумный разбойник-беззаконник Рах одесную (справа) от Креста Господня.

Беззаконник слева — горький плод злобы и разочарования, наполненный ядовитыми для ума искажениями в представлениях о Мессии, он борец за справедливость в падшем мiре, борец за реализацию праведности в форме соблюдения ветхого закона.

Иуда Искариот, а правильнее, скорее всего, Сикариот — сикарий или подобный сикариям в их наделении Христа Мессии несвойственными Ему признаками предводителя зелотов-революционеров. Иуда — иссохший плод недопокаявшегося ума, завившийся вокруг самого себя, своей духовной пустоты и удавивший в себе всякую возможность для покаяния. Любой человек — судия неправедный. Когда мы осуждаем себя сами, мы судим несправедливо и можем попасть в ту же ловушку, в которую попал Иуда, можем лишиться дерзновения, которое необходимо для покаяния. Иуда осуждает себя на смерть согласно ветхому закону.

Итак, третий плод — благоразумный беззаконник, именуемый Рах, что значит в некоторых русских говорах «разветвление на дереве». И это не только напоминание о его крестной смерти, но и своеобразное народное откровение: древо Раха — живое и ветвящееся, он с древа страданий переселяется в райский сад, он отныне привит к Живительной Виноградной Лозе Иисусу Христу, он — сладкий плод раскаяния, смирения, перемены ума и благоразумия.

Благоразумный беззаконник — такой плод, на который нужно взирать и нам, чтобы подражать его покаянию и смиренномудрию, чтобы учиться отметать собственные безумные умопостроения, мешающие видеть и вкушать Истинного Винограда Господа и Бога нашего Христа-Спасителя.

Покаяние Благоразумного беззаконника истинное, искреннее, дерзновенное, оно исходит из его изначального безкорыстного желания помочь другим обрести свободу. И такое покаяние — пример панацеи для духовной жизни каждого христианина.

Благоразумный беззаконник Рах преодолевает безумную жажду ветхозаветной справедливости шуияго беззаконника, преодолевает иудино отчаяние и иудин самосуд, как бы запечатывая подступающее отчаяние своим решением, своей решительностью, дерзновением. Он возлагает суд на Судию Праведного и Милостивого, прося помянуть его таким, какой он есть, не претендуя на особое место где-то там в Царствии Небесном, он просит лишь помянуть его в этом Царстве Сладости, выходя, таким образом, в чистую надежду, чистое чаяние милости вместо справедливого законного воздаяния. Ведь главную Сладость он уже ощутил — умереть рядом с Праведником, рядом со Святым, рядом с Царём Небесным.

Благоразумне беззаконниче Раше, моли Бога о нас и научи смиренному благоразумному покаянию пред Судиёй Праведным и Милостивым.